Kryeministri i vendit, Albin Kurti, ka shkruar për vizitën e sekretarit të NATO-s, Jens Stoltenberg, nesër në Kosovë. Kurti, mes tjerash, ka theksuar se vizita e Stoltenbergut dëshmon angazhimin që NATO-ja e bën për sigurinë në Kosovë.
“Vizita e Jens Stoltenberg dëshmon angazhimin e vendosur të NATO-s për sigurinë tonë. Me Bashkimin Evropian që ekspozon zyrtarisht synimin e Rusisë për të provokuar një konflikt të ri në Ballkanin Perëndimor, rruga më e sigurt drejt paqes së qëndrueshme është dhënia e statutit të kandidatit për Kosovën në Bashkimin Evropian dhe integrimin në NATO”, shkroi Kurti në platformën X
