Kryeministri në detyrë, Albin Kurti, ka reaguar pas fitores së jashtëzakonshme të Kosovës ndaj Suedisë në kuadër të kualifikimeve për Kupën e Botës 2026.
Në një postim në rrjete sociale, Kurti e ka cilësuar këtë si rezultatin më të mirë që Kosova ka arritur ndonjëherë ndaj Suedisë, duke theksuar rëndësinë e fitores për pozicionimin e Kombëtares në grup.
“Rezultati më i mirë që kemi pasur ndonjëherë ndaj Suedisë, e më i miri i mundshëm pas ndeshjes me Zvicrën. Kosova jonë me një fitore të jashtëzakonshme, që nuk vonoi shumë në këto ndeshje kualifikuese për Kupën e Botës 2026. Jemi të dytët në grup. Gëzuar!”, ka shkruar Kurti.
Kujtojmë se kjo fitore ndaj Suedisë, e vendos Kosovën në vendin e dytë në grup, duke rritur shpresat për një kualifikim historik në Kampionatin Botëror.
