Kryeministri në detyrë i Kosovës, Albin Kurti, ka uruar kryeministrin australian Anthony Albanese për fitoren e tij në zgjedhjet e fundit.
Në një postim në rrejitn social X, Kurti ka shprehur urimet e tij të sinqerta, duke theksuar se fitorja e Albanese pasqyron besimin e popullit australian në një qeveri të drejtë dhe progresive, shkruan KosovaNews.
“Urimet e sinqerta për Kryeministrin @AlboMP për fitoren e tij të rëndësishme, e cila pasqyron besimin e popullit australian në një qeveri të drejtë dhe progresive. Vendet tona – aleatë të fortë që nga mbështetja e Australisë gjatë luftës sonë për liri – mbeten të angazhuara së bashku në ndërtimin e shoqërive gjithëpërfshirëse dhe dinjitoze,” ka shkruar Kurti.
Ai ka theksuar se Kosova dhe Australia kanë një lidhje të fortë aleance, e cila ka filluar që nga mbështetja e Australisë gjatë luftës për liri të Kosovës.
Kurti ka shprehur besimin se të dy vendet do të vazhdojnë të bashkëpunojnë për të ndërtuar shoqëri gjithëpërfshirëse dhe dinjitoze./KosovaNews/
