Me të mbërritur nga ShBA-ja në Kosovë, kryeministri i vendit Albin Kurti, sot në Parkun e Qytetit të Prishtinës, u takua me bashkatdhetarët që po qëndrojnë në vendlindje për t’i kaluar pushimet, raporton KosovaNews.
Në këtë takim ku u diskutuan çështje të ndryshme lidhur me diasporën kosovare,
kryeministrin Kurti e shoqëruan edhe Ministrja e Punëve të Jashtme dhe Diasporës, Donika Gërvalla si dhe Ministrja e Industrisë, Ndërmarrësisë dhe Tregtisë, Rozeta Hajdari.
Në bashkëbisedim, vëmendje tërhoqi mërgimtari Shiqeri Ramadani që kishte në krahun e tij tatuazhe të kryeministrit Kurti.
Në krahun e mërgimtarit nga qyteti i Ferizajt, vëmendje tërhoqi edhe data 14.02.2021, datë kjo e cila Lëvizja Vetëvendosje kishte ardhur në krye të shtetit me mbi 50% të votave.
Këtë tatuazh, mërgimtari e kishte bërë në krahun e tij më 24 mars të vitit 2021, datë kjo e cila kryeministri Kurti, e kishte festuar ditëlindjen e 46-të
Kujtojmë se gjatë javës së kaluar, kryeministri Kurti kishte qëndruar edhe në ambientet e aeroportit “Adem Jashari”, ku kishte pritur bashkatdhetarët që po vinin në vendlindje për pushime verore./KosovaNews/
