Kryeministri i Kosovës, Albin Kurti ka raportuar sot në Kuvend para deputetëve të Kosovës për takimin e fundit në Bruksel në lidhje me dialogun Kosovë-Serbi.
Kurti pati një kërkesë për deputetin e Partisë Demokratike të Kosovës, Hisen Berisha pasi ky i fundit iu drejtua duke i thënë se “Serbia t’ka pritur ty dhe ka investuar dhe ka punuar për ardhjen tuaj në pushtet”.
Pas kësaj akuze, kryeministri Kurti iu përgjigj se Berisha mund ta ndihmojë shtetin e Kosovës vetëm duke mos e takuar Fatmir Shehollin, bashkëpunëtorin e Serbisë.
“Unë nuk e kuptoj deputeti Hysen Berisha qysh në orën tetë të diskutimit ju vini me fjalim të shkruar prej fillimit, kjo do të thotë që nuk është diskutim dhe gjitha këto akuza që m’i bëtë mua unë mund t’iu përgjigjem vëtëm një gjë, ju mund ta ndihmoni shtetin e Kosovës dhe unë kam një kërkesë prej juve: Mos e tako Fatmir Shehollin, vec mos rri me Fatmir Shehollin bashkëpunëtorin e Serbisë, por te na s’ka Prokurori, vetëm dil këtu në foltore dhe thuj nuk takohem më me Fatmir Shehollin, kontribut ma të madh për Kosovën nuk mund të jepni”, iu shpreh Kurti.
Berisha vazhdoi tutje duke e mbrojtur Shehollin dhe tha se nuk është më i keq sesa Simiqi apo Radojiqiqi ndërkohë e quajti Kurtin të zi pasi sipas tij ckado që ka bërë ai për Kosovën, janë të zeza.
“Për Fatmir Shehollin s’du me u marrë ai është qytetar i Kosovës, sosht hic ma i keq se Simiqi apo Radojiqiqi që keni bashkëpunu për cdo vendim që e keni marrë në këtë Kuvend.
Ajo cka po du me t thanë, emri yt me perkthy i bie i bardhë mirepo ti je i zi edhe nga takimi i Brezovicës 97′ ën e deri ditën e sotit, krejt cka ke bo për këtë vend janë të zeza edhe të zeza kanë me mbetë edhe historia ka me ta dëshmu cka po te them”, iu drejtua Berisha – Kurtit.
