Kryeministri i Kosovës, Albin Kurti ka mbajtur fjalim në tubimin e subjektit të VV-së të mbajtur në Komunën e Malishevës, teksa tha se në këto katër vite të mandatit të tij qeverisës kanë ngritur ekonominë vendore si dhe kanë shtuar punësimin por edhe kanë ngritur cilësi në sektorin e arsimit dhe shëndetësisë.
Kurti, po ashtu tha se në qeverisjen e tij kanë zbrapsur edhe Serbinë.
“Qeverisja që e rriti ekonominë, qeverisja që e shtoi punësimin, qeverisja e cila e subvencionoj bujqesinë, qeverisja e cila e ngriti cilësinë edhe të arsimit edhe të shëndetësisë, qeverisja e cila i lartësoi imazhin dhe dinjitetin edhe shtetit edhe qytetarit. Qeverisja e cila e zbrapsi serbinë, qeveria e cila i garantoi kufijtë, qeveria e cila shtetit ia shtoi sovranitetin e territorit ia shtoi integritetin”, ka thënë Albin Kurti në tubimin elektoral në Malishevë.
Albin Kurti për Komunën e Malishevës premtoi se do ta përfundojnë rregullimin e rrugës Arllat-MAlishevë dhe Kijevë-Malishevë.
“Malisheva është në qendër të Kosovës prandaj ne Malishevën do ta kemi në qendër të vëmendjes. Dora e mirë e shtetit do të rehabilitojë rrugën Arllat-Malishevë dhe Kijevë-Malishvë”, ka thënë Kurti.
