Kryeministri i Kosovës, Albin Kurti, në tubimin e Lëvizjes Vetëvendosje në Komunën e Drenasit, ka shpalosur disa prej projekteve që do t’i realizojë gjatë qeverisjes së ardhshme.
Kryeministri Kurti ka thënë se në Drenas do të investojnë në shërbimet shëndetësore në çdo spital rajonal.
“ Do ta centralizojmë shërbimin shëndetësor dhe në çdo spital rajonal do të ketë pajisje, shërbime të reja dhe infrastrukturë. Do ta ndërtojmë spitalin e ri në Mitrovicë dhe poliklinikën specialistike këtu tek ju në Drenas. Me qeverinë e re do ta përfundojmë edhe një punë që ka nisur në qeverinë tonë të tanishme, Parkun Industrial ”, ka thënë kryeministri Kurti.
Kurti, tutje ka thënë se në muajt e parë të mandatiti të tyre qeverisës do ta heqin taksën doganore prej 10%.
“Në muajt e parë të qeverisë të re do ta hjekim taksën doganore prej 10% për veturat e importuara nga Bashkimi Evropian.”, ka thënë Albin Kurti.
