Kryeministri i Kosovës, Albin Kurti ka bërë një reagim në Twitter duke përgëzuar Finlandën, për shkak se u bë anëtarja më e re dhe e 31-ta e NATO-s, pas mbajtjes së ceremonisë së pranimit në Bruksel të martën, 4 prill.
Shefi i qeverisë u shpreh se “ndonëse Kosova nuk është ende një anëtar i NATO-s, çlirimi ynë nga synimi gjenocidal i Serbisë dhe paqja që gëzojmë është gërshetuar thellë në misionin e Aleancës për ruajtjen e lirisë”.
“Në 74-vjetorin e saj, ne shprehim mirënjohjen tonë të vazhdueshme dhe përgëzojmë anëtaren e re Finlandën”, shkroi Kurti.
