Kryeministri i Kosovës, Albin Kurti i shpreh ngushëllime familjes profesori Arsim Fehmiut, sipas Kurtit kujtim për profesorin do të mbetet i paharruar.
“Dje në moshën 91 vjeçare iku në amshim profesori Arsim Fehmiu…Kujtimi për Arsim Fehmiun do të mbetet i paharruar sikurse edhe veprimtaria e tij e çmuar”,shkroi Kurti në Facebook.
Më tej Kurti ka thënë se profesori Arsim Fehmiu “ishte një nga themeluesit e Fakultetit të Kulturës Fizike në Universitetin e Prishtinës i cili ndër vite punoi dhe kontribuoi në edukimin dhe arsimimin e gjeneratave në fushën e sportit. Mësues, arsimtar dhe profesor i cili dha shumë në zhvillimin e sportit të Kosovës dhe jo vetëm”.
“Me mbi shtatë dekada kushtuar sportit, puna dhe kontributi i profesor Arsim Fehmiu mbetet shtyllë e zhvillimit të deritanishëm të sportit në vend dhe inspirim për gjeneratat e reja”, ka thënë kryeministri Kurti.
Në fund kryeministri ka përfunduar duke u shprehur ngushëllime për humbjen e profesorit Fehmiu miqve dhe kolegëve të tij në fushën e sportit.
