Kryetari i Zubin Potokut, Izmir Zeqiri ka thënë se është kërcënuar dy herë brenda tre muajve të fundit nga një person në rrjetet sociale.
Sipas Zeqirit, kërcënimi ndaj tij vjen nga një profil i një terroristi, që siç thotë ai po paraqitet si oficer i Ministrisë së Punëve të Brendshme (MUP) të Serbisë.
“Jam duke u kërcënuar dy herë brenda tre muajve të fundit nga i njëjti profil i një terroriste që paraqitet të jetë një oficer i MUP-it të Serbisë, i angazhuar në R.Kosovës. Herën e parë më 31 maj dhe tani më 2 shtator. Përgjgija ime është: Këtu jam dhe këtu do të jem dem baba dem”, ka shkruar Zeqiri në Facebook.
