Kryeministri Albin Kurti iu tha ministrave në fillim të mbledhjes së sotme të Qeverisë se këtë vit “edhe me shumë punë që na presin përpara”.
Kreu i Qeverisë përmendi edhe masat ndëshkuese të Bashkimit Evropian, të cilat i quajti të padrejta, ashtu siç tha se ishte regjimi i vizave deri në fillim të këtij viti.
“Derisa angazhohemi çdo ditë që masave të padrejta të Bashkimit Evropian ndaj Kosovës t’u vije fundi, jemi shumë të lumtur që në këtë fillimvit i erdhi fundi masës më të padrejtë e më të gjatë që Bashkimi Europian praktikisht kishte me qytetarët e Republikës sonë, regjimin e vizave”, tha Kurti.
Arritjet e këtij muaji, kryeministri Kurti tha se “së pari janë të shtetit të Kosovës”.
“Andaj, le të ecim përpara me optimizmin dhe disponimin e muajit janar, me angazhimin e vendosmërinë e këtyre tri viteve të qeverisjes sonë të mirë e demokratike, dhe në të njëjtën kohë, këtë le ta bëjmë, natyrisht, drejt rezultateve të reja dhe arritjeve të radhës”, tha ndër tjerash Kurti.
