Kryeministri i Kosovës, Albin Kurti po merr pjesë në Samitin Global të 8-të të Open Government Partnership që këtë vit organizohet nga Qeveria e Estonisë.
Në fjalimin e tij para të pranishmëve, Kurti tha se Kosova ka avancuar shumë në fushën digjitale.
Ai ka përmendur se në vend në dy vitet e fundit janë digjitalizuar mbi 150 shërbime, duke përmendur edhe portalin e-kosova.
“Është kënaqësi që të jem ne Estoni. Estonia është një storie suksesi e digjitalizimit. Ajo ua ka lehtësuar jetën qytetarëve të saj përmes digjitalizimit. Në dritën e sulmeve kibernetike, digjitalizimi bëhet edhe më i rëndësishëm. Me internetin qe shtrihet në gjithë territorin e Kosovës, qytetarët tanë kane mundësi në marketin ndërkombëtar”.
Në këtë rast kryeministri Kurti ka përmendur edhe rrezikun nga sulmet kibernetike, e të cilat sipas tij mund të vijnë nga aleatët e Rusisë.
“Kështu mund ta përmirësojmë efikasitetin e shëndetësisë, gjyqësorit dhe ta rrisim produktivitetin e gjithë ekonomisë. Mirëpo çdo e mirë, ka edhe kërcënimet e saj. Në Kosovë, aleatët e Rusisë kanë tëndenca të bëjnë sulme kibernetike. Jemi të hapur të mësojmë nga ju për një demokraci sa më të fortë digjitale”, tha mes tjerash ai.
