Kryeministri i Kosovës, Albin Kurti ka bërë të ditur se janë mbetur më pak se 7 ditë deri në mbylljen e regjistrimit për të votuar nga mërgata.
Me këtë rast, kryeministri Kurti u ka bërë thirrje mërgimtarëve që të regjistrohen deri me 26 dhjetor, për të pasur mundësi votimi.
“Sot janë bërë 50 mijë të regjistruar nga mërgata për votim. Ndërkohë, kanë mbetur më pak se 7 ditë deri në afatin e fundit, 26 dhjetor 2024, kur mund të regjistroheni për të votuar.
Pa regjistrim nuk do të mund të votoni, andaj bëjeni sa më parë dhe mos e lini për momentet e fundit.
Nga çdo cep i botës ku je, hidhe votën për atdhe!”, ka shkruar kryeministri Kurti në një postim në facebook.
