Kryeministri i vendit, Albin Kurti me bashkëpunëtorë po zhvillon një vizitë disadiore në Gjermani, me ç’rast gajët qëndrimit atje ka zhvilluar takime të shumta, duke fillyar me krerët e shtetit gjerman, manjdej politikanë dhe mërgatën shqiptare atje.
Për gjithë këto takime ka shkruar edhe vetë kryeministri KUrti, i cili tha se në vizitën e radhës zyrtare në Berlin, së bashku me ministrin Hajrullah Çeku dhe nënkryetaren e dytë të Lëvizjes VETËVENDOSJE!, Mrika Limani Myrtaj, mori pjesë në Kongresin e Partisë Socialdemokrate të Gjermanisë, SPD-së.
“E në margjina të Kongresit, takimi me Kancelarin Olaf Scholz dëshmoi marrëdhëniet e forta dhe të shkëlqyeshme dypalëshe dhe vizionin e përbashkët si socialdemokrat për zhvillimin dhe rritjen e mirëqenies në të dy vendet”, tha Kurti.
Ai shtoi se fuqizimi i bashkëpunimit brenda familjes politike të spektrit të majtë socialdemokrat ishte fokus i bisedës dhe me Sekretaren e Përgjithshme të Internacionales Socialiste, Benedicta Lasi si dhe me Kryetarin e SPD-së njëkohësisht deputet i Bundestagut gjerman, Lars Klingbeil.
“Kosova është shtet i së drejtës, demokracisë e barazisë për të gjithë. Biseduam dhe rreth dinamikës e situatës në rajonin e Ballkanit Perëndimor, procesin e dialogut e përkushtimin e Kosovës drejt integrimit evropian”, ka thënë kryeministri.
Ai tha se gjatë qëndrimit në Gjermani, nuk mund të mungonte dhe takimi me mërgatën, ku me ta u bisedua mbi një mori temash, i interesuar jo vetëm për t’i informuar me ecurinë e aktualitetin e vendit tonë, por edhe për të dëgjuar rreth jetës e përvojës së tyre, përshtypjeve e ideve të diasporës.
