Starmer do t’i bëjë thirrje Bidenit të miratojë një paketë ndihme prej 20 miliardë dollarësh.
Sir Keir Starmer po shtyn për bisedime të drejtpërdrejta me Joe Bidenin dhe do t’i kërkojë atij që të miratojë një paketë ndihme prej 20 miliardë dollarësh për Ukrainën javën e ardhshme.
Përpara kthimit të Donald Trump në Shtëpinë e Bardhë, kryeministri britanik shpreson të bisedojë me presidentin aktual dhe të përpiqet ta bindë atë të rrisë mbështetjen për Ukrainën.
Kjo përfshin lejimin e Ukrainës që të sulmojë thellë brenda territorit rus me raketa “Storm Shadow” të ofruara nga Perëndimi.
Dje, Starmer dhe presidenti francez, Emmanuel Macron diskutuan gjithashtu se si ta vendosin Ukrainën në “pozitën më të fortë të mundshme përpara dimrit”.
Takimi erdhi mes spekulimeve se Mbretëria e Bashkuar dhe Franca mund të përpiqen të bindin 82-vjeçarin të autorizojë Ukrainën të përdorë raketat “Storm Shadow” për të sulmuar Rusinë përpara se të largohet nga Shtëpia e Bardhë.
