Avokati, Arianit Koci i cili sot ka protestuar para objektit të Kuvendit duke u munduar të ndalojë deputetët të flasin para mediave, tentoi që ta ndalojë kryeministrin në detyrë, Albin Kurtin por sigurimi ndërhyri duke mos e lejuar duke e larguar.
Pas këtij momenti, avokati reagoi ashpër, duke e kritikuar Kurtin për mosreagim dhe e cilësoi sjelljen e tij si “të pakuptimtë”.
Ai gjithashtu ngriti shqetësime për atë që e quajti një “plan kriminal” që, sipas tij, ka për qëllim organizimin e dy palë zgjedhjesh.
“Zoti kryeministër, a po ndalesh një minutë?”, ishte pyetja e drejtpërdrejtë e Kocit, të cilën Kurti e injoroi duke vazhduar rrugën.
Gjatë përpjekjes për t’u afruar, sigurimi ndërhyri dhe e largoi Kocin nga rruga e Kurtit.
“Turp për Albin Kurtin. Marre i qoftë. Të mos ndalosh për të dëgjuar qytetarin është e pakuptimtë. Këta si duket kanë një plan kriminal për të organizuar dy palë zgjedhje”, deklaroi Koci pas largimit të Kurtit.
