Kroacia ka nisur zyrtarisht negociatat për anëtarësim në Organizatën për Bashkëpunim Ekonomik dhe Zhvillim (OECD), tha të premten ministri i Jashtëm Gordan Grliç Radman.
“Dëshiroj të njoftoj se në takimin me Zëvendës Sekretarin e Përgjithshëm të Organizatës për Bashkëpunim Ekonomik dhe Zhvillim, Ulrik Vestergaard Knudsen, ne filluam zyrtarisht negociatat”, tha Grliq Radman, i cili mori pjesë në takimin ndërmjet kryeministrit korat Andrej Plenkoviq dhe Knudsen.
“Ky është një moment historik për ne sot, pas hyrjes në Zonën Shengen, pas hyrjes në zonën e euros, ky antarësim do të jetë me të vërtetë “qershia mbi tortë”, tha ai duke iu drejtuar mediave.
Knudsen u pajtua me të se ky është një moment historik dhe tha se Kroacia po e bën këtë për të krijuar një jetë më të mirë për qytetarët e saj.
Në mbledhjen përfundimtare të Këshillit të Organizatës për Bashkëpunim Ekonomik dhe Zhvillim në nivel ministror të mbajtur më 10 qershor, vendet anëtare të OECD-së miratuan planin e anëtarësimit për Kroacinë./KosovaNews/
