Presidentja e Republikës së Kosovës, Vjosa Osmani, dhe kryeministri Albin Kurti, do të bëjnë nesër homazhe në Krushë, me rastin e 24 -vjetorit të masakrës së Krushës.
Në orën 11:00, Osmani bën homazhe në Kompleksin Memorial të dëshmorëve dhe të martirëve në Krushë të Madhe.
Në anën tjetër, kryeministri Kurti, në ora 08:00 do të bëjë homazhe në Krushë të Madhe e të Vogël.
Mëngjesin e 25 marsit të vitit 1999, forcat serbe kryen masakër në Krushë, duke lënë të vdekur 243 banorë.
Nga ajo ditë, 63 persona nga Krusha janë akoma të zhdukur.
Pas homazheve, kryeministri i Republikës së Kosovës, Albin Kurti, udhëton për vizitë pune në Republikën e Shqipërisë, ku do të zhvillojë takime me krerë institucional.
