Policia e Kosovës njofton se ka arrestuar një person në fshatin Damjan të Gjakovës për përdorim të armës.
Bëhet fjalë për të dyshuarin, i cili ka publikuar video duke gjuajtur me armë zjarri dhe më pas policia ka shkuar e ka bastisur shtëpinë e tij ku ka konfiskuar armën.
“Është arrestuar i dyshuari mashkull kosovar pasi që i njëjti në rrjetin social kishte publikuar një video duke shtënë me armë zjarri. Njësitet policore gjatë bastisjes në shtëpinë e të dyshuarit kanë gjetur e konfiskuar pistoletën e cila dyshohet se është përdorur. Në konsultim me prokurorin, i dyshuari pas intervistimit është liruar në procedurë të rregullt”, thuhet në raportin e Policisë së Kosovës.
