Kryetari i PDK-së, Memli Krasniqi, ka takuar sot në Bruksel zëvendësdrejtorin menaxhues për Evropë në EEAS, Marko Makovec, me të cilin ka diskutuar për zhvillimet aktuale në Kosovë e rajon dhe procesin e integrimit evropian, me theks të veçantë Pakon e Zgjerimit 2023 dhe Planin e Ri të Rritjes për Ballkanin Perëndimor.
“Në këtë kuadër, vlerësova që edhe Kosova, e cila fatkeqësisht ka mbetur e fundit në këtë proces, duhet ta ketë vendin e vet meritor dhe një perspektivë evropiane të prekshme dhe të qartë”, ka shkruar Krasniqi në një postim në Facebook.
Krasniqi edhe në këtë takim ka kërkuar që Bashkimi Evropian (BE) t’i heqë masat ndëshkuese ndaj Kosovës.
