Kryetari i PDK-së, Memli Krasniqi dhe shefi i grupit parlamentar të kësaj partie Abelard tahiri kanë vizituar në Bruksel selinë e ALDE-sëm familjes së partive liberale dhe demokratike të Evropës.
Në këtë takim, Krasniqi ka takuar sekretarin Didrik de Schaetzen ku kanë biseduar për zhvillimet e fundit politike në Kosovë.
“Gjatë vizitës së shkurtër në Bruksel, u ndala edhe në selinë e ALDE-s, familjes së partive liberale dhe demokrate të Evropës, në të cilën tashmë bën pjesë edhe Partia Demokratike e Kosovës.
Aty takova Sekretarin Gjeneral, Didrik de Schaetzen, me të cilin diskutuam për zhvillimet e fundit politike në Kosovë dhe rajon, por edhe për implikimet e zgjedhjeve për Parlamentin Evropian që mbahen vitin e ardhshëm.
Mbështetja për PDK-në nga ALDE dhe partitë anëtare të saj është vlerë dhe inkurajim për ne.”, ka shkruar Krasniqi në facebook.
