Komisioni Qendror i Zgjedhjeve (KQZ) ka çregjistruar të enjten Partinë Republikane për Ndryshime (PRN) dhe Shpresa Demokrate (SHD_.
Partitë politike, çdo vit janë të obliguara, që deri më 31 mars të dorëzojnë në Zyrën për Regjistrim, Certifikim dhe Kontrollin Financiar të Subjekteve Politike formularin për vazhdimin e regjistrimit, gjë që këto dy subjekte politike nuk e kanë bërë.
Në mbledhje e KQZ, drejtori i Sekretariatit, Besnik Buzhala ka thënë se dy subjektet politike, PRN dhe SHD, ishin të pezulluara që 15 ditë, shkak të mosdorëzimit të raportit vjetor financiar të vitit 2024.
“Partitë politike çdo vit obligohen që deri më 31 mars të dorëzojnë në Zyrë formularin për vazhdimin e regjistrimit. Në lidhje me këtë, nga 54 subjekte politike të regjistruara, dy subjekte politike nuk kanë dorëzuar në zyrë formularin e vazhdimit të regjistrimit.. Në lidhje me aktet ligjore në fuqi Zyra i rekomandon KQZ-së që të bëjë çregjistrimin e dy partive politike PRN dhe SHD. Po ashtu këto dy subjekte politike, janë të pezulluara gjithashtu, para 15 dite për shkak të mos dorëzimit të raportit vjetor financiar për periudhën 2024”, ka thënë Buzhala.
Gjithashtu në mbledhjen e sotshme të KQZ-së, u miratua edhe zëvendësimi i dy asamblistëve në Kuvendin Komunal të Ferizajt dhe Skenderajt. Deputetja e zgjedhur më 9 shkurt, Arbnore Salihu do të zëvendësohet nga Vanesa Salihu në Kuvendin komunal të Ferizajt. Ndërsa në Kuvendin Komunal të Skenderajt, deputetja e re Sala Jashari do të zëvendësohet nga asamblistja Egzona Geci. Të dyja vijnë nga PDK-ja. /KP
