Komisioni i Pavarur për Media (KPM) sot gjatë ditës raportoi para Komisionit Parlamentar për Media pas vendimit për rikthimin e kanaleve sportive të “Arena” pas kërkesës së operatorit Artmotion.
Deputetët e Lëvizjes Vetëvendosje kritikuan dhe u kërkuan llogari anëtarëve të bordit të KPM-së duke thënë se ky vendim ishte i nxituar dhe pa paralajmërim i marrë jashtë pikave të rendit të ditës së KPM-së
Deputeti i VV-së Dimal Basha ishte më i ashpër kundrejt anëtarëve të KPM-së duke thënë se është i bindur se dikush prej tyre është shitur.
“Unë si deputet i kësaj republike e kam qu dorën për juve dhe tash po ndihem i turprun se nuk e keni asnjë arsyje të vetme që qëndron për me ja lshu, e keni pasë edhe miratimin e gjykatës Komerciale kur ja ka refuzu ankesën dikush prej juve qetu prej argumenteve që i kam jam i bindun që është i shitur se s’ka mundësi ndryshe…“
Deputeti Basha shpjegoi arsyet më tutje duke thënë se operatori Art Motion është në gjykatë por kjo gjë nuk folët.
“Është sekret publik kur e dijm krejt qetu që Art Motion në maj 2023 e ka regjistruar përfaqësinë e vet në Serbi kompani shqiptare që ka qenë edhe në Maqedoni e regjistruar si investitor i huaj nga Serbia ka ardhë këtu e ka rrejt ARBK-ne duke thënë jam i Kosovës pastaj e kemi zbuluar edhe pastaj ka dalë tu na shitë neve në emër të lirisë së shprehjes.“
Basha duke ju drejtuar anëtarëve të KPM-së të cilët u thirren në pavarësinë e vendimeve ju tha se ata janë të pavarur por veprimet e tyre të pavarura kur shkojnë kundër interesit kombëtar ata nuk mund të qëndrojnë indiferent.
“O ju jeni të pavarur por vendimet e juaja të pavarura kur shkojë kundër interesit kombëtar na nuk mund të qëndrojnë indiferent. Pse në emër të pavarësisë ju mundeni me ba çka të doni, është njejt sikur prokuroria kur ja ka hequr urdhërarrestin Radojçiqit dhe prokuroria thotë jemi të pavarur. Unë patriotizmin e mas përmes veprimeve që i bani, qeky veprim nuk e ka asnjë arsyetim që çon ujë në Republikën e Kosovës krejt çon te Art Motion te Arena Sporti dhe te Vuçiqi sepse Serbia tregun e don të Republikës së Kosovës por interesa tjera nuk mbron”
Deputeti Basha i bëri thirrje Prokurorisë së Shtetit që të hetojë këtë rast sepse ai dyshon se ka diçka më të thellë sepse një njeri normal nuk mund ta merr këtë vendim.
Për më shumë detaje ndiqeni fjalimin
