Kombëtarja U21 e Kosovës ka përmbyllur me sukses ndeshjet e këtij viti në kuadër të ciklit kualifikues për Kampionatin Evropian 2027. Sipas njoftimit të Federatës së Futbollit të Kosovës (FFK), Dardanët e rinj shënuan dy fitore, dy barazime dhe një humbje, duke dhënë paraqitje premtuese për vazhdimin e garave.
FFK ka konfirmuar se grumbullimi i radhës i Kombëtares U21 do të zhvillohet në mars 2026, ku Kosova do të përballet me dy sfida të forta: Rumaninë dhe Spanjën.
Dardanët e rinj kanë treguar rritje të vazhdueshme dhe performancë solide, duke mbajtur gjallë ambicien për të qenë konkurrues në këtë cikël kualifikues.
