Kosova e ka marrë fitoren e parë në kualifikueset e Kampionatit Evropian për “EURO 2024”.
“Dardanët” fituan lehtësisht si mysafire e Andorrës, me rezultat 3-0.
Milot Rashica me dy gola dhe një nga Altin Zeqiri i sollën fitoren Kosovës.
Me këtë fitore Kosova shkon në kuotën e 7 pikëve në Grupin I dhe renditet në vendin e katërt.
Në anën tjetër, Andorra është e fundit me 2 pikë.
Milot Rashica shënon sërish, Kosova dyfishon epërsinë
Milot Rashica ka shënuar tjetër gol për Kosovën në duelin kundër Andorrës.
Rashica përfitoi pas tollovisë së krijuar në zonën e kundërshtarëve.
Më pas, ai shënoi lehtësisht për 2:0 në të mirë të “Dardanëve”, në minutën e 71-të.
Kosova në epërsi, shënon Rashica (VIDEO)
Milot Rashica ka kaluar Kosovën në epërsi në ndeshjen ndaj Andorrës.
Ai realizoi gol për 1:0 në minutën e 26-të.
⚽️GOAL | Milot Rashica
— Prince (@Prin__ceee) October 12, 2023
26’ | 🇦🇩Andorra 0 – [1] Kosovo 🇽🇰
pic.twitter.com/hZ5pIYtmfu
Andorrë-Kosovë, nis ndeshja
Ka nisur në Andorra la Vella ndeshja e vlefshme për kualifikimet për “Euro 2024”, në mes të Kosovës dhe Andorrës.
Kjo ndeshje i takon Grupit I të kualifikimeve për “Euro 2024” Në formacionin e Kosovës, për herë të parë kanë gjetur vend edhe dy futbollistët e Superligës së Kosovës, mbrojtësi Lumbardh Dellova e Qëndrim Zyba, të dy të Ballkanit.
Kosova e Andorra zënë dy vendet e fundit në këtë grup.
