Ministri i Mbrojtjes, Armend Mehaj ka thënë se matjet e fundit tregojnë se Republika e Kosovës ka shënuar një ngritje për pesë vende sa i përket fuqisë ushtarake dhe njerëzore, raporton KosovaNews
Këtë ministri Mehaj e tha duke u bazuar në matjet vjetore të GFP, rishikimit vjetor të indeksit të Fuqisë Globale Ushtarake 2023, e ku në mesin e 145 shteteve është futur edhe Kosova.
“Bazuar në matjet vjetore të GFP, rishikimit vjetor të indeksit të Fuqisë Globale Ushtarake 2023, në mesin e 145 shteteve, Kosova ka shënuar një ngritje për pesë vende sa i përket fuqisë ushtarake dhe njerëzore. Në këtë studim është vlerësuar numri i ushtrisë, numri i pajisjeve ushtarake, niveli i financimit të sferës ushtarake, infrastruktura e transportit të vendit, qasja në produktet e naftës dhe faktorë të tjerë që mund të ndikojnë në aftësinë luftarake të ushtrisë”, ka shkruar Mehaj.
Ai tha se Ushtria e Republikës së Kosovës çdo vit e më shumë po ngritë kapacitetet e saj profesionale dhe operacionale për të kontribuar jo vetëm në ruajtjen e paqes dhe stabilitetit të vendit, por dhe në rajon e më gjerë./KosovaNews
