Kombëtarja e Kosovës do të zhvillojë ndeshjen e parë të nëntorit ndaj Sllovenisë më 15 nëntor në Lubjanë.
Përballja vjen me disa mungesa të rëndësishme për të dyja ekipet, që mund të ndikojnë në zhvillimin e saj.
Sllovenët do të jenë pa Benjamin Seskon, ylli i tyre kryesor, i cili u lëndua këtë fundjavë me Manchester United. Megjithatë, mungesa e sulmuesit nuk duket të jetë një problem shumë i madh për ekipin kombëtar slloven.
Nga ana tjetër, për Kosovën do të mungojë portieri Aro Muric, i skualifikuar për shkak të kartonëve të grumbulluar.
Kjo mungesë e rëndësishme pritet të jetë një sfidë për Dardanët, duke pasur parasysh ndikimin e Muric si portier i parë dhe që është në top formë.
Megjithatë, historiku tregon se Sllovenia ka pasur rezultate pozitive edhe pa Seskon. Që nga debutimi i tij me ekipin kombëtar më 1 qershor 2021, ai ka humbur vetëm pesë nga 52 ndeshjet e mundshme dhe ka qenë në stol vetëm dy herë – do të thotë mungesa e tij në fushë ka qenë në shtatë takime.
Në katër vitet e fundit, Sllovenia nuk di për humbje përkundër që Sesko ka munguar shkaku i lëndimit, ose që ka qëndruar në bankë. Sllovenët kanë regjistruar një barazim ndaj Sllovakisë (2:2) derisa kanë marrë gjashtë fitore Qipros (2:1), San Marinos (4:0), SHBA-së (1:0), Armenisë (2:1), Luksemburgut (1:0) dhe Bosnjës e Hercegovinës (2:1) pas Benjamin Seskon në fushë.
Pra, edhe pse mungesa e Seskos mund të duket një avantazh për Kosovën, Dardanët duhet të jenë të kujdesshëm, pasi Sllovenia ka treguar vazhdimisht aftësinë për të performuar mirë edhe pa sulmuesin e saj kryesor./
