Koreja Veriore ka shkatërruar urat hekurudhore dhe rrugore të cilat e lidhin me Korenë e Jugut, lëvizje që po shihet si shenjë e rrezikut nga ana e zyrtarëve të Koresë Jugore.
Peniani zyrtar ka njoftuar se ka shkatërruar shumë prej urave hekurudhore dhe rrugore, si dhe pjesë të autostradave të cilat e lidhin Korenë e Jugut me atë të veriut duke sinjalizuar kështu fundin e çfarëdo shprese që tensionet mes dy Koreve do të zbehën. Gjithashtu është raportuar se Koreja Veriore ka zhvendosur një numër të madh të sistemeve artilerike në afërsi të kufirit me Korenë Jugore, duke nxitur forcat kufitare të Seulit që gjithashtu të rrisin prezencën përgjatë kufirit dhe, në disa raste, të hapin zjarr paralajmërues drejtë forcave koreano-veriore.
Shkatërrimi i lidhjeve të komunikacionit mes dy Koreve vie pasi që javën e kaluar Peniani tha se do ti ndërprenë të gjitha lidhjet me Korenë e jugut dhe se do të fortifikon edhe më tej kufirin mes dy vendeve, i cili besohet të jetë kufiri më i militarizuar në botë. Peniani tha edhe se me këtë e përforcon sistemin dy-shtetëror, duke hjekë dorë kështu, zyrtarisht, nga plani i vjetër i Penianit për unifikimin e dy vendeve.
Zyrtarët në Korenë Jugore thanë se kjo lëvizje e Penianit është tërësisht e jashtëzakonshme dhe se, së bashku me zhvendosjen e sistemeve artilerike, mund të sinjalizon rrezik për Korenë Jugore nga ana e fqinjit verior. Zyrtarisht, dy vendet janë ende në gjendje lufte pasi që , pas përfundimit të luftës së viteve 1948-53 kurrë nuk nënshkruan marrëveshje të paqes.
