Kryetari i Kuvendit të Kosovës, sot ka filluar Glauk Konjufca vizitat e tij në qenedren e paraburgimit në Hagë për t’i takuar ish-krerët e UÇK-së, Hashim Thaçin, Kadri Veselin, Jakup Krasniqin e Rexhep Selimin. Ai sot në orët e paraditës ka vizituar ish-kryetarin e kuvendit Jakup Krasniqin dhe Pjetër Shalën.
Shefi i kabinetit të tij, Ilir Kërçeli, përmes një statusi në facebook ka dhënë detaje nga kjo vizitë.
“Sot bashkë me kryeparlamentarin Konjufca filluam vizitat në Hagë, takuam ish-kryeparlamentarin Jakup Krasniqi e Pjetër Shalën, pas drekës takojmë gjeneral Rexhep Selimin. Kurse nesër ish-presidentin Hashim Thaçi dhe ish-kryeparlamentarin Kadri Veseli, e poashtu edhe të dënuarit nga shoqata e veteranëve të luftës Hysni Gucati e Nasim Haradinaj. Ne besojmë fuqishëm në pastërtinë e luftës çlirimtare të popullit tonë në krye me UÇK-në. Sikundër jemi të bindur se adresa e krimeve barbare dhe gjenocidit mbi popullin tonë është Serbia agresore, e pandëshkuar deri më tani.Të bashkuar me njëri tjetrin mbrojmë historinë e vendit tonë”
