Komisioneri për Zgjerim të Bashkimit Evropian, Oliver Varhleyi ka thënë të enjten se nga Kosova vjen gjithmonë mesazhi i qartë i përkushtimit drejt BE-së.
Ai ka përmendur pak edhe dialogun, duke thënë se palët duhet t’i zbatojnë marrëveshjet e dakorduara.
“Qëllimi i vizitës nuk është t’ua përkujtoj, por të gjitha palët duhet t’i zbatojnë marrëveshjet që janë dakorduar, përfshirë ato të vitit 2013 e 2015 për themelimin e Asociacionit”.
Varhelyi ka shtuar se reformat duhet të vazhdojnë dhe të zbatohen.
“Nëse ka një mesazh të qartë që vjen gjithmonë nga Prishtina dhe Kosova është se shumë e përkushtuar sa i përket përafrimit me BE-në. Keni treguar angazhim dhe mbështetje në vendosjen e sanksioneve ndaj Rusisë. Diskutuam çështjen e reformave, dhe të arriturat në gjashtë vitet e fundit. Reformat duhet të jenë të vazhdueshme dhe të zbatueshme, duhet një regjistër i tyre. Mirëpresim angazhimin e qeverisë për përmirësimin e sistemit të drejtësisë, në luftën kundër korrupsionit. Duhet luftimi i nivelit të lartë të korrupsionit dhe krimit të organizuar. Kosova është në fazë të hershme sa i përket adresimit të këtyre çështjeve. Kosova është vend strategjik për tërheqjen e bizneseve por për këtë duhet krijuar kushtet e volitshme. Po ashtu dhuna ndaj mediave e presionet duhet të ndalen”.
Kurse presidentja e Kosovë, Vjosa Osmani, pas takimit me Komisionerin për Zgjerim të Bashkimit Evropian, Oliver Varhleyi ne konferencën për media ka thënë se janë duke punuar dhe forcuar bashkëpunimin me BE dhe rrugën drejtë Bashkimit Evropian.
“Vendi ynë që nga fillimi i luftës brutale të Rusisë kundër Ukrainës ka vendosur sanksione dhe ka ofruar ndihmë, dhe do vazhdojë përpjekjet tona për ta mbrojtur demokracinë dhe vlerat që na bashkojnë”, ka deklaruar Osmani gjatë konferencës për media.
Ajo ka bërë sot të ditur për mbështetjen prej 6.5 milionë euro ndihmë nga Bashkimi Evropian për sundimin e Ligjit.
“Meqë sot do t’i bashkoheni institucioneve tona për ta filluar edhe zyrtarisht programin për çështje të brendshme BE-Kosovë ju shpreh mirënjohjen tonë Bashkimit Evropian për përpjekjet në këtë drejtim dhe mbështetjen prej 6.5 milionë euro shtesë në mbështetje të përpjekjeve tona për sundim të ligjit. Sundimi i ligjit nuk është vetëm prioritet në letër por angazhimit i të gjithë liderëve institucional dhe i punës sime si presidente e Kosovës”, tha mes tjerash Osmani.
