Mesfushori gjerman Joshua Kimmich, nuk ka nisur ende bisedime për kontratë të re me Bayern Muenchenin.
Atij i kanë mbetur më pak se 18 muaj nga marrëveshja aktuale me klubin gjerman. 29-vjeçari ka prishur raportet me disa prej drejtuesve të klubit gjerman dhe se ka kërkuar largimin nga Bayerni gjatë verës së këtij viti.
Pjesë e Bayernit është prej vitit 2015. Ishte transferuar nga skuadra tjetër gjermane, Stuttgart.
Në edicionin aktual ka shënuar një gol dhe ka asistuar shtatë herë në 30 ndeshjet në të gjitha garat. Për Gjermaninë ka shënuar gjashtë gola në 82 paraqitje.
