Deputeti dhe njëherësh shef i Grupit Parlamentar të Aleancës për Ardhmërinë e Kosovës, Besnik Tahiri në një konferencë për media ka folur sërish për Ligjin e Pagave.
Ai është shprehur se ky ligj duhet të hyjë në fuqi më së largu më 1 shkurt.
Gjithashtu u shpreh se edhe procedurat e Kuvendit duhet të përfundojnë sa më shpejtë.
“Ligji i Pagave duhet të hyjë në fuqi më së largu me 1 shkurt, që nënkupton procedurat në Kuvendit e Kosovës duhet të përfundojnë sa më shpejtë që është e mundur”, u shpreh tutje ai.
Ai theksoi se nenet që rrezikojnë të drejtën e Ligjit për Paga dhe Ligjit për Zyrtarë Publik, të cilat rrezikojnë që të dërgohen në Gjykatë Kushtetuese, të rregullohen mes dy leximeve në Kuvend.
