Katër persona kanë mbetur të lënduar si pasojë e një aksidenti që ka ndodhur sot në Ferizaj, saktësisht në rrugën Varosh Gerlicë.
Rastin për Reporteri.net e ka konfirmuar zëdhënësi i Policisë për Rajonin e Ferizajt, Kanun Veseli.
Sipas Veselit, në këtë aksident kanë qenë të përfshira dy automjete. Një prej të lënduarve është transportuar në QKUK.
“Ju njoftojmë se sot, më datë 25.03.2025, rreth orës 17:00, në rrugën Varosh – Gerlicë, Ferizaj, ka ndodhur një aksident trafiku me të lënduar. Në aksident janë përfshirë dy automjete me targa vendore. Përveç dëmeve materiale, katër persona kanë pësuar lëndime trupore dhe janë dërguar për ndihmë mjekësore në Qendrën Emergjente në Ferizaj. Njëri prej të lënduarve, për shkak të gjendjes shëndetësore, është transportuar për trajtim të mëtejshëm në Qendrën Klinike Universitare të Kosovës (QKUK) në Prishtinë. Njësitë e trafikut rajonal kanë dalë në vendin e ngjarjes dhe po hetojnë rrethanat e aksidentit. Për të gjitha veprimet policore është njoftuar prokurori i shtetit”, ka thënë Veseli.
