Skuadra e Napolit ka dhënë detaje tjera në lidhje me lëndimin që Amir Rrahmani e pësoi në Ligën e Kampionëve kundër Bragas.
Rrahmani u desh të zëvendësohej në minutën e 13-të për shkak të lëndimit në kofshën e këmbës së majtë.
Napoli ka shkruar të premten se qendërmbrojtësi dhe kapiteni i Kosovës, e ka nisur fazën e rehabilitimit.
Rrahmani do të mungojë në ndeshjen e ardhshme të Napolit kundër Bolognas, por pritet të rikthehet në fushë më 21 tetor, kundër Hellas Veronas, ish-skuadrës së tij.
Ai pritet t’i mungojë edhe Kosovës në dy ndeshjet kualifikuese të Evropianit 2024, kundër Andorrës më 12 tetor në udhëtim, dhe kundër Izraelit më 15 tetor në stadiumin “Fadil Vokrri”.
