Kancelari austriak Christian Stocker, ka pritur në takim kryeministrin në detyrë të Kosovës, Albin Kurtin.
Në lidhje me takimin mes tyre, Stocker ka shkruar përmes një postimi në “X”.
Ai ka thënë se Kosova është një partner i rëndësishëm për Austrinë dhe Evropën dhe se do të vazhdojnë ta mbështesin rrugën e Kosovës drejt Bashkimit Evropian.
“Tani është koha për të kapërcyer bllokimin politik, për të çuar përpara reformat dhe për të bërë përparim të prekshëm në dialogun e lehtësuar nga BE-ja me Serbinë. Një e ardhme e qëndrueshme evropiane për Ballkanin Perëndimor mbetet qëllimi ynë i përbashkët”, ka shtuar Stocker.
