Është miratuar Projektligji për Byronë Shtetërore për Verifikimin dhe Konfiskimin e Pasurisë së Pajustifikueshme në mbledhjen e sotme të Qeverisë së Kosovës.
Ky projektligj do të mundësojë verifikimin e pasurisë së zyrtarëve shtetëror, në mënyrë të shmangies së keqpërdorimeve të detyrave zyrtare.
“Një ndër nismat më të rëndësishme të qeverisë sonë, përmes së cilës luftohet keqpërdorimi i detyrës zyrtare dhe ndiqet pasuria e pajustifikueshme përmes konceptit të konfiskimit civil”, ka thënë kryeministri Albin Kurti.
Ministrja e Drejtësisë, Albulena Haxhiu, e ka cilësuar konfiskimin civil si “instrument legjitim dhe proporcional për luftimin e korrupsionit në sektorin publik”.
“Kjo është një fitore e qartë për shtetin e së drejtës dhe një mesazh i fuqishëm për të gjithë ata që abuzojnë me detyrën zyrtare”, ka thënë Haxhiu.
Në rend dite janë edhe 13 pika të tjera.
