Juventusi ka shënuar fitore të rëndësishme kundër Lecces, në kuadër të xhiros së 33-të në Serie A.
“Zonja e Vjetër” triumfoi me rezultat të ngushtë 2:1 kundër Lecces në “Allianz Stadium” në Torino.
Vetëm pas 15 minutave lojë “Bianconeri” siguroi epërsinë e parë me supergolin e Paredes nga gjuajtja e lirë.
Mysafirët nuk u dorëzuan dhe barazuan shifrat në minutën e 36-të kur Ceesay shënoi nga penalltia.
Goli i dytë i Juventusit që në fund rezultoi të ishte i fitores u realizua nga sulmuesi i shumëkritikuar serb, Vlahoviq katër minuta pa përfunduar koha e rregullt.
Përkundër rasteve në fraksionin e dytë të lojës, gola më nuk pati dhe fitorja në fund i takoi Juventusit.
Kjo fitore e ngrit Juventusin në vendin e dytë me 63 pikë, dy më shumë se Lazio që sonte e zhvillon ndeshjen kundër Sassuolos.
Lecce është e 16-ta me 31 pikë dhe vazhdon luftën për mbijetesë.
