Ministria e Shëndetësisë [MSH] e ka konfirmuar dorëheqjen e Naser Ramadanit nga pozita e drejtorit Ekzekutiv të Institutit Kombëtar i Shëndetësisë Publike të Kosovës [IKSHPK].
Në përgjigje thuhet se në vendin e Ramadanit është caktuar Ardita Baraku si ushtruese e Detyre e drejtorit Ekzekutiv të IKShPK-së.
Dorëheqjen Ramadani e ka dorëzuar më 14 gusht te ministri i Shëndetësisë, Arben Vitia.
“Ju njoftojmë se me datën 14.08.2024, ministri i Shëndetësisë ka pranuar dorëheqjen e Dr. Naser Ramadanit nga pozita e drejtorit Ekzekutiv të IKShPK-së. Me vendimin e ministrit të Shëndetësisë, ushtrues Detyre i drejtorit Ekzekutiv të IKShPK-së është caktuar Dr. Ardita Baraku, Specialiste e Shëndetësisë Publike në Departamentin e Mjekësisë Sociale në IKShPK”, thuhet në përgjigjen e Ministrisë së Shëndetësisë.
