Izraeli zgjeroi objektivat e tij në luftën e tij me militantët e Hezbollahut në Liban të hënën, duke vrarë të paktën 21 persona në një sulm ajror në veri, thanë zyrtarët shëndetësorë, ndërsa miliona izraelitë u strehuan nga predha të hedhura përtej kufirit.
Sulmi goditi një ndërtesë banimi në Aitou, një fshat kryesisht i krishterë larg zonave ku Izraeli ka kryer sulme kundër Hezbollahut. Izraeli thotë se ata janë duke shqyrtuar incidentin
Deri më tani fokusi kryesor i operacioneve ushtarake të Izraelit në Liban ka qenë në Luginën Bekaa në lindje, në periferi të Bejrutit dhe në jug, ku incidentet që përfshijnë trupat izraelite dhe paqeruajtësit e OKB-së kanë krijuar tension.
OKB-ja thotë se paqeruajtësit e saj do të qëndrojnë në pozicionet e tyre në Libanin jugor, pavarësisht kërkesave të përsëritura nga Izraeli që ata të largohen nga rruga e forcave të tij atje.
Izraeli ka urdhëruar banorët e 25 fshatrave në Libanin jugor që të evakuoheshin në zonat në veri të lumit Awali, i cili rrjedh rreth 60 km (35 milje) në veri të kufirit izraelit.
Kurse Kryeministri Benjamin Netanyahu, duke vizituar një bazë ushtarake në Izraelin qendror, ku katër ushtarë u vranë të dielën nga një sulm me dron të Hezbollahut, tha se Izraeli do të vazhdojë të sulmojë lëvizjen e mbështetur nga Irani “pa mëshirë, kudo në Liban – përfshirë Bejrutin”.
Në Izraelin qendror, banorët nxituan drejt strehimoreve pas aktivizimit sirenave, ndërsa ushtria njoftoi se tre predha që kishin ardhur nga Libani ishin asgjësuar, ku në total 115 predha të lëshuara nga Hezbollahu kaluan nga Libani në Izrael të hënën.
Konflikti mes Izraelit dhe Hezbollahut rifilloi një vit më parë kur grupi militant filloi të gjuante me raketa Izraelin në mbështetje të militantëve palestinezë Hamas në fillimin e luftës në Gaza.
Ndërkohë, Washington Post raporton se kryeministri i Izraelit i thënë administratës Biden se ishte i gatshëm të zgjidhte një kundërsulm më të kufizuar në përgjigje të sulmit raketor të këtij muaji nga Irani.
