Policia e Kosovës në veri të Mitrovicës të shtunën ka gjetur automjetin i cili ishte raportuar si i vjedhur.
Automjeti është gjetur në rrugën “Filip Visnjic” në veri të Mitrovicës.
Policia ka bërë të ditur se gjatë patrullimit të rregullt kanë vërejtur një automjet të braktisur.
“Për shkak të rrethanave të dyshimta, policia ka kryer verifikime në sistemin e Policisë dhe ka konstatuar se automjeti ishte raportuar më parë si i vjedhur. Menjëherë pas konfirmimit, policia ka siguruar vendin e ngjarjes dhe ka kontaktuar Stacionin Policor Qendra në Prishtinë, i cili do të ndërmarrë hapat e mëtejshëm hetimorë”, thuhet në njoftimin e policisë.
Policia e Kosovës ka apeluar tek të gjithë qytetarët pa dallim që të raportojnë çdo informacion të dyshimtë që mund të ndihmojë në parandalimin dhe zgjidhjen e rasteve.
