Inspektorati Policor i Kosovës (IPK) ka rekomanduar suspendimin e një rreshteri të policisë kufitare, pas nisjes së një hetimi penal ndaj tij.
Sipas IPK-së, rreshteri dyshohet për veprën penale “Lëndim i lehtë trupor”, ndërsa hetimi po zhvillohet në koordinim me Prokurorinë Themelore në Gjilan. Ngjarja raportohet të ketë ndodhur më 24 mars 2025, rreth orës 21:00, në qytetin e Vitisë, pas një mosmarrëveshjeje mes policit dhe një qytetari për një çështje pronësore.
Hetimet po vazhdojnë në bashkëpunim me Prokurorinë e Shtetit, ndërsa IPK pritet të ndërmarrë veprime të tjera për të ndriçuar të gjitha rrethanat e rastit.
