Presidenti rus, Vladimir Putin ndodhet në Pekin në një vizitë shtetërore dy-ditore, duke nënvizuar përafrimin e ngushtë me udhëheqësin kinez, Xi Jinping ndërsa trupat ruse po përparojnë në Ukrainë.
Vizita, e para e Putinit jashtë shtetit që nga hyrja në një mandat të ri si president i Rusisë javën e kaluar, është shenja më e fundit e thellimit të marrëdhënieve mes dy vendeve, raporton CNN.
Ky është takimi i katërt personal midis Xi-së dhe Putinit që nga pushtimi i Rusisë, dhe vizita e dytë e Putinit në Pekin prej atëherë.
Trupat ruse kanë shtyrë në verilindje të Ukrainës që nga sulmi i tyre i befasishëm më 10 maj në rajonin kufitar të Kharkivit. Përparimet e tyre në rajon janë më të rëndësishmet e Moskës që kur forcat ukrainase rimorën Kharkivin në vitin 2022.
Sekretari amerikan i Shtetit Antony Blinken përfundoi një udhëtim në Kiev të mërkurën, ku riafirmoi mbështetjen e administratës Biden për Ukrainën dhe dha lajmin 2 miliardë dollarë financim ushtarak për Ukrainën. Blinkeni ka thënë se municionet dhe armët shumë të nevojshme po dërgohen në vijën e frontit.
Zyrtarët ukrainas thanë të mërkurën së ka përparime të mëtejshme nga forcat ruse në rajon. Qyteti i Vovchansk është duke parë disa nga betejat më intensive në zonat afër kufirit, me një zyrtar policor që thotë se forcat ruse janë tashmë në qytet.
Presidenti ukrainas, Volodymyr Zelensky ka ndaluar vizitat e tij të ardhshme ndërkombëtare ndërsa vendi i rrethuar po përballet me ofensivën ruse.
