Mbi gjysma e punëtorëve të Radio Televizionit të Kosovës kanë paga neto prej 1 mijë deri në 1,500 euro, thuhet në një publikim të Institutit për Studime të Avancuara GAP.
Sipas GAP-it, këto të dhëna janë nga Administrata Tatimore e Kosovës për 900 punëtorët e RTK-së.
Instituti thekson se në në dhjetor të vitit të kaluar ishin rreth 990 të punësuar.
Nga këta, 23.3 për qind janë në grupin e atyre që marrin pagë prej 1 mijë deri 1,200 euro, kurse 28.1 për qind pagë nga 1,200 deri 1,500 euro.
Po ashtu, 17.4 për qind e të punësuarve në RTK marrin pagë deri 1,800 euro.
Në RTK ka prej atyre që marrin pagë mbi 3 mijë, e që janë më pak se 1 për qind.
