Inspektorati Komunal i Pejës, me asistimin e Policisë së Kosovës, të shtunën në mbrëmje kanë kryer një aksion në Pejë, ku janë mbyllur të paktën tre lokale nate për shkak të parregullsive.
Lajmin e ka konfirmuar edhe drejtoresha e Inspeksionit në Komunën e Pejës, Edonjeta Berisha.
Berisha, ka bërë të ditur se dy lokale në tranzit dhe një në perifieri në Pejë, janë mbyllur për shkak se nuk kanë qenë të pajisur me dokumentacion.
“Të shtunën gjatë mbrëmjes, Inspektorati Komunal i Pejës me asistimin e Policisë së Kosovës kemi pasur një aksion ku kemi bërë mbylljen e tre lokaleve (lokale të natës) një në periferi dhe dy në tranzit.
Arsyja e mbylljeve ka qenë sepse nuk kanë qenë të pajisura me dokumentacion”, ka thënë Berisha për Indeksonline.
Ndërsa ka paralajmruar se në ditët në vazhdim do ketë përsëri aksion me polici.
Më poshtë mund të shihni disa pamje nga mbyllja e këtyre lokaleve.
