Presidenti i FIFA-s, Gianni Infantino, rithekson se nuk ka vend për racizëm dhe diskriminim në futboll pasi sulmuesi i Interit Romelu Lukaku u vu në shënjestër të disa tifozëve të Juventusit mbrëmë.
Romelu Lukaku u abuzua në mënyrë racore nga një grup tifozësh të Juventusit mbrëmjen e së martës në ndeshjen e parë gjysmëfinale të Kupës së Italisë.
Presidenti i FIFA-s, Gianni Infantino lëshoi një deklaratë të mërkurën, duke dënuar mbështetësit racistë dhe duke këmbëngulur që tifozët e rregullt, klubet dhe institucionet e futbollit duhet të marrin masa për të trajtuar këtë çështje.
“Në futboll, nuk ka vend për racizëm apo ndonjë formë tjetër diskriminimi,” tha ai në një deklaratë zyrtare.
“Ishte thjesht e papranueshme të shihje ofendime ndaj sulmuesit të Interit Romelu Lukaku gjatë ndeshjes së Kupës së Italisë kundër Juventusit në Torino më 4 prill.
FIFA dhe unë jemi të afërt me Lukakun dhe çdo lojtar tjetër, trajner, zyrtar të ndeshjes, lojtar dhe çdo person tjetër të përfshirë në një lojë futbolli, viktimë e racizmit apo çdo forme tjetër diskriminimi.
Të gjitha autoritetet duhet të ndëshkojnë ashpër viktimat e këtyre abuzimeve,” vazhdoi Infantino.
“E përsëris apelin që nisa në fillim të vitit, duke shpresuar që fansat të dëgjojnë zërin e tyre, duke i heshtur racistët. Në të njëjtën kohë, në futboll duhet të garantojmë zbatimin e sanksioneve të rënda sportive për të përballuar incidente të ngjashme.
Një herë e përgjithmonë: jo racizmit dhe çdo forme diskriminimi”, përfundoi ai.
Shumë lojtarë kanë treguar mbështetjen e tyre për Lukakun në rrjetet sociale të mërkurën, duke iu përgjigjur postimit të tij të parë në ‘Instagram’ pas incidenteve të ndodhura në Torino.
Lukaku shënoi golin e barazimit nga pika e parë dhe u përjashtua nga fusha, pasi festa e tij nën ‘Curva Sud’ të Juventusit u konsiderua provokuese për tifozët kundërshtarë.
Belgu ka shënuar gjashtë gola në 21 paraqitje në të gjitha garat këtë sezon.
Të dy, Juventus dhe Inter lëshuan deklarata të mërkurën, duke dënuar ata që janë përgjegjës për abuzimin racor ndaj Lukakut
