Skuadra e Ballkanit ka fituar ndeshjen e parë ndaj Ludogorets në kualifikimet për në UEFA Champions League sezonin 2023/24.
Ekipi i Ilir Dajës mposhti mysafirët nga Bullgaria me rezultatin 2 me 0 në stadiumin “Fadil Vokrri”.
Pas ndeshjes trajneri nga Shqipëria dha një intervistë për SuperSport dhe tha se skuadra kundërshtare nuk pati asnjë shans.
“Urime Suhareka, urime Ballkani, urime Kosova. Kemi bërë një pjesë të parë perfekte, me sa mbaj mend skuadra kundërshtare nuk kishte asnjë shans. Kemi luajtur shumë mirë. Natyrshëm se me pesë ndërrimet ramë pak fizikisht, por këta djemë nuk dorëzohen kurrë, kanë një karakter të madh. Nuk është e paktë që në 70% të lojës të jesh mbi kundërshtarin”, tha fillimisht Daja për SuperSport Kosova.
Ndeshja e kthimit zhvillohet javën tjetër, të mërkuren nga ora 20:00 dhe luhët në stadiumin “Huverpharma Arena”.
