Një ngjarje tragjike ka ndodhur në fshatin Kotorr të Skenderajt, ku një person 55-vjeçar ka humbur jetën pasi u rrokullis me traktor gjatë punës në pyll.
Zëdhënësja e policisë për rajonin e Mitrovicës, Fexhrije Pllana, ka konfirmuar për IndeksOnline se rasti është raportuar sot më 12 qershor 2025, rreth orës 19:00. Njësitë relevante kanë dalë menjëherë në vendngjarje, ku mjeku kujdestar ka konstatuar se viktima nuk kishte shenja jete.
“Sot, në fshatin Kotorr të Skenderajt, një person i moshës rreth 55 vjeç, gjatë punës në pyll, është rrokullisur me traktor. Mjeku kujdestar ka konstatuar se ai ishte pa shenja jete,” ka thënë Pllana.
Hetimet për shkaqet e aksidentit janë në vazhdim.
