Ushtria izraelite ka bërë të ditur se Irani ka nisur 100 dronë në drejtim të territorit izraelit, shumica prej të cilëve janë rrëzuar pasi Izraeli ka kryer një mori sulmesh gjatë natës mbi caqet iraniane, raporton BBC.
Irani ndërkohë ka bërë të ditur gjatë ditës, më 13.06.2025, se më shumë se 70 persona janë vrarë prej sulmeve të natës së mbrëmshme. Mediat perëndimore dhe ato izraelite kanë raportuar se sulmet izraelite, pos uzinave bërthamore dhe fabrikave të raketave të Irani kanë vrarë edhe tre gjeneralë të lartë dhe dy shkencëtarë të njohur të programit atomik të Republikës Islamike të Iranit.UDF-ja, siç njihet shkurt ushtria izraelite, ka bërë të ditur se ka kryer sulm mbi uzinat bërthamore dhe thotë se ka vrarë shefin e Gardës Revolucionare, Hossein Salami, por edhe komandantë të tjerë.
Irani ndërkaq ka konfirmuar se sulmet vranë gjashtë shkencëtarë. Mediat iraniane kanë raportuar edhe për civilë të vrarë, në mesin e të cilëve edhe fëmijë. BBC-ja nuk ka qenë në gjendje t’i verifikojë pretendimet iraniane.
Presidenti amerikan, Donald Trump, i ka bërë thirrje Iranit që të arrijë marrëvehsje për programin e tij atomik, duke paralajmëruar se “madje sulme të tjera më brutale” mund të ketë nga ana e Izraelit – Irani ka akuzuar SHBA-në se ka mbështetur bombardimet izraelite, por Uashingtoni i ka hedhur poshtë akuzat.Analistët thonë se pritet të ketë sulme të reja.
Izraeli dhe Irani haptas kanë sulmuar njëri-tjetrin për herë të parë sivjet. Sulmet e fundit ishin kryer në prill dhe tetor të vitit të kaluar pas një lufte të gjatë në hije.Ndërkaq kryeministri izraelit, Benjamin Netanyahu, ka shkruar në llogarinë e tij në X se gjatë ditës do ta telefonojë Trumpin, presidentin rus, Vladimir Putin. Dhe kryeministrin britanik, Keir Starmer”, lidhur me zhvillimet e fundit.
