Policia e Kosovës njofton se ka arrestuar një person pasi duke hetuar një rast për dhunë në familje, kishin gjetur edhe një pistoletë me një karikator dhe 15 copë fishekë
Në një njoftim për media thuhet se Stacioni Policor në Gjakovë, derisa iu kishin përgjigjur dhe ishin duke hetuar një rast për dhunë në familje, në vend-ngjarje në posedim të të dyshuarit N. N., mashkull i lindur në vitin 1951 (shtetas i Republikës së Kosovës), kishin gjetur një pistoletë me një karikator dhe 15 copë fishekë të cilat i dyshuari i posedonte në mënyrë të paautorizuar.
Arma dhe municioni thuhet se janë konfiskuar si prova materiale, ndërsa me vendim të Prokurorit të Shtetit, i dyshuari është ndaluar në mbajtje për 48 orë dhe ndaj tij është iniciuar rast “Mbajtje në pronësi, kontroll ose posedim të paautorizuar të armëve”./KosovaNews
