Ministri i Financave, Punës dhe Trasfereve, Hekuran Murati, thotë se Kosova e ka pasur pakon më të madhe mbështetëse në rajon për subvencionim të energjisë elektrike në vitin 2022. Sipas tij, këtë e ka dëshmuar raporti i fundit i Bankës Botërore.
“Inflacioni dhe kriza energjetike kanë goditur të gjitha vendet. Megjithatë, reagimet e qeverive nëpër shtete të ndryshme variojnë. Sipas raportit të fundit të Bankës Botërore, me 4.3% të GDP-së për masa mbështetëse të familjeve në nevojë dhe për subvencionim të energjisë elektrike, Kosova ka pasur pakon më të madhe mbështetëse në rajon gjatë vitit 2022.
Çka e bën edhe më të veçantë situatë është fakti që këto masa mbështetëse janë realizuar krahas uljes së deficitit buxhetor dhe konsolidimit të borxhit publik në të njëjtën kohë”, ka thënë Murati.
